విద్యార్ధులలో చైతన్యం రావాలి ఉచితంగా ఎంసెట్‌ శిక్షణ….

శ్రీకాకుళం న్యూస్‌టుడే: 

జీఎంసీ బాలయోగి గురుకుల విద్యా సంస్థల్లో ఇంటర్‌ ద్వితీయ సంవత్సరం చదువుతున్న విద్యార్థులకు గురుకుల సొసైటీ ఆధ్వర్యంలో ఉచితంగా ఎంసెట్‌ ప్రవేశపరీక్షకు శిక్షణ ఇవ్వనున్నామని గురుకులాల జిల్లా సమన్వయకర్త యశోధలక్ష్మి తెలిపారు. శుక్రవారం ఎచ్చెర్ల మండలం దుప్పలవలస గ్రామంలో సాంఘిక సంక్షేమ గురుకుల పాఠశాల/కళాశాలలో ఎంసెట్‌ శిక్షణా కేంద్రాన్ని ఆమె ప్రారంభించారు. బాలురుకు దుప్పవలస, బాలికలకు ఎచ్చెర్ల గురుకుల పాఠశాలల్లో ఉచిత భోజనం, వసతి కల్పించి శిక్షణ ఇవ్వటం జరుగుతుందన్నారు. ప్రత్యేక శిక్షణ పొందిన అధ్యాపకులతో బోధించటం జరుగుతుందని చెప్పారు. కార్యక్రమంలో ప్రధానాచార్యులు దువ్వాడ దేవేంద్రరావు, అధ్యాపకులు, విద్యార్థులు పాల్గొన్నారు.