గాజువాకలో పవన్ కళ్యాణ్ నామినేషన్.

విశాఖపట్టణంజిల్లా:ఘాజువాక: న్యూస్‌టుడే: ముఖ్యాంశాలు… *గాజువాక, భీమవరం నుంచి పోటీచేస్తున్న పవన్ కళ్యాణ్. *భీమవరంలో రేపు నామినేషన్ దాఖలు చేయనున్న పవన్. నామినేషన్ తర్వాత భీమవరంలోనూ ప్రచార సభలు. జనసేన అధినేత పవన్ కళ్యాణ్ విశాఖ జిల్లా గాజువాకలో నామినేషన్ దాఖలు చేశారు. గురువారం విశాఖ నగరపాలక సంస్థ జోన్‌-5 కార్యాలయంలో ఎన్నికల రిటర్నింగ్‌ అధికారికి నామినేషన్ పత్రాలను సమర్పించారు. పవన్ వెంట జనసేన నేత, సీబీఐ మాజీ జేడీ లక్ష్మీనారాయణతో పాటూ పార్టీ నేతలు ఉన్నారు. పవన్ నామినేషన్ ర్యాలీకి జనసైనికులు భారీగా తరలివచ్చారు. జనససేనానిపై పూల వర్షం కురిపించారు. నామినేషన్‌ అనంతరం గాజువాక, భీమిలి, విశాఖ సౌత్‌ నియోజకవర్గాల్లో జరగబోయే మూడు ఎన్నికల ప్రచార సభల్లో పవన్ పాల్గొననున్నారు. ముందు పాత గాజువాకలో నిర్వహించే బహిరంగ సభలో పవన్ పాల్గొంటారు. తర్వాత ఆనందపురం పూల మార్కెట్‌ వద్ద.. సాయంత్రం 5గంటలకు ఆర్టీసీ కాంప్లెక్స్‌ సమీపంలోని పాత జైలు రోడ్డు వద్ద నిర్వహించే సభలో పాల్గొంటారు.